Stuttering, Muttering & Suffering
Mi caan hear mi internal clock ah tick.....tock...tick
Looking for a breeder, noh mind how mi look, dat kno important rite yah suh. Mi a di genes picker and mi noh mean Levi’s eida.
If yuh a look Green card, no badda badda, caus mi no promise nat even Jesus Christ dat mi a guh sid dung pon dem de cold, hard grey interrogation iron chair an mek INS haul and pull mi poor gal jeans string inside out.
Mi no want nuh shart man fi tear up mi sheet, mi no care if yu is a brain surgeon or how sweet yu caan dweet, mi no want no shart arse man period!!! If yu foo fool an yuh head tough an look lakka peppa grain, tan wey yuh dey.
If yu shart an is Pousser Prime Minister (PPM), dat wi only mek me more rass cross! Mi naw look noh stud, stallion, gorilla or patoo. A serious ting, yuh no seet!
Mi a look a show horse wid good bloodline an dat di rest of him generation dem no live like puss and dawg.
P.S If feasting on hairy mangoes is your claim to fame, then the fork nuh ready fi dip inna di saltfish stew!